Перейти к содержанию

Сравнить рядом · 11Q5, 18

Два–четыре издания рядом: листаете одно — остальные держатся того же места. Строки сопоставлены по данным соответствия библиотеки; совпадение места не означает одинакового текста.

Издания

Первое издание ведущее: по нему идут главы, нумерация ссылки и порядок строк.

Соответствие: По нумерации KJV

Как сопоставлено: Каждое издание сопоставлено с координатами KJV (ref_kjv, ref_kjv_also); строка объединяет единицы, у которых есть общая координата. Объединённые и разделённые стихи показаны как есть.

Строки сопоставлены по данным соответствия библиотеки; совпадение места не означает одинакового текста.

Проведите вбок, чтобы сменить издание; место сохранится.

Большой свиток Псалмов (11QPsᵃ, 11Q5)ведущеедревнееврейский

Открыть в читалке

18:1לטובים נפשתכמה ולתמימים לפאר עליון׃ החבירו יחד

18:2להודיע ישעו ואל תתעצלו להודיע עוזו ותפארתו

18:3לכול פותאים׃ כי להודיע כבוד יהוה נתנה חוכמה ולספר

18:4רוב מעשיו נודעה לאדם להודיע לפותאים עוזו

18:5להשכיל לחסרי לבב גדולתו הרחוקים מפתחיה

18:6הנדחים ⟦····⟧ ממבואיה׃ כי עליון הואה אדון

18:7יעקוב ותפארתו על כול מעשיו׃ ואדם מפאר עליון

18:8ירצה כמגיש מנחה כמקריב עתודים ובני בקר

18:9כמדשן מזבח ברוב עולות כקטורת ⟦ר̣י̣ח̣⟧ ניחוח מיד

18:10צדיקים׃ מפתחי צדיקים נשמע קולה ומקהל חסידים

18:11זמרתה׃ על אוכלםה בשבע נאמרה ועל שתותמה בחבר

18:12יחדיו שיחתם בתורת עליון אמריהמה להודיע עוזו׃

18:13כמה רחקה מרשעים אמרה מכול זדים לדעתה׃ הנה

18:14עיני יהוה על טובים תחמל׃ ועל מפאריו יגדל חסדו

18:15מעת רעה יציל נפש[ם׃ ברכו את] יהוה גואל עני מיד

18:16ז̣ר̣[ים ומצי]ל [תמימים מיד רשעים מקים קרן מיע]ק̣ו̣ב̣ ו̣שופט׃

2:19:1כי לוא רמה תודה לכה ולוא תספר חסדכה תולעה׃

2:19:2חי חי יודה לכה יודו לכה כול מוטטי רגל בהודיעכה

2:19:3חסדכה להמה וצדקתכה תשכילם׃ כי בידכה נפש כול

2:19:4חי נשמת כול בשר אתה נתתה׃ עשה עמנו יהוה

2:19:5כטובכה כרוב רחמיכה וכרוב צדקותיכה׃ שמע

2:19:6יהוה בקול אוהבי שמו ולוא עזב חסדו מהםה׃

2:19:7ברוך יהוה עושה צדקות מעטר חסידיו

2:19:8חסד ורחמים׃ שאגה נפשי להלל \את/ שמכה להודות ברנה

2:19:9חסדיכה להגיד אמונתכה לתהלתכה אין חקר׃ למות

2:19:10הייתי בחטאי ועוונותי לשאול מכרוני ותצילני

2:19:11יהוה כרוב רחמיכה וכרוב צדקותיכה׃ גם אני את

2:19:12שמכה אהבתי ובצלכה חסיתי׃ בזוכרי עוזכה יתקף

2:19:13לבי ועל חסדיכה אני נסמכתי׃ סלחה יהוה לחטאתי

2:19:14וטהרני מעווני׃ רוח אמונה ודעת חונני אל אתקלה

2:19:15בעווה׃ אל תשלט בי שטן ורוח טמאה מכאוב ויצר

2:19:16רע אל ירשו בעצמי׃ כי אתה יהוה שבחי ולכה קויתי

2:19:17כול היום׃ ישמ̣חו אחי עמי ובית אבי השוממים בחונכה

2:19:18··· […] ·לם אשמחה בכה׃

3:21:11אני נער בטרם תעיתי ובקשתיה׃ באה לי בתרה ועד

3:21:12סופה אדורשנה׃ גם גרע נץ בבשול ענבים ישמחו לב

3:21:13דרכה רגלי במישור כי מנעורי ידעתיה׃ הטיתי כמעט

3:21:14אוזני והרבה מצאתי לקח׃ ועלה היתה לי למלמדי אתן

3:21:15הודי׃ זמותי ואשחקה קנאתי בטוב ולוא אשוב׃ חריתי

3:21:16נפשי בה ופני לוא השי̣ב̣ותי׃ טרתי נפשי בה וברומיה לוא

3:21:17אשלה׃ ידי פת̣ח̣[תי … ו]מערמיה אתבונן כפי הברותי אל׃

4:22:1שכרכם בעתו׃ אזכורך לברכה ציון בכול מודי

4:22:2אני אהבתיך ברוך לעולמים זכרך׃ גדולה תקותך ציון ושלום

4:22:3ותוחלת ישועתך לבוא׃ דור ודור ידורו בך ודורות חסידים

4:22:4תפארתך המתאוים ליום ישעך וישישו ברוב כבודך׃ זיז

4:22:5כבודך יינקו וברחובות תפארתך יעכסו׃ חסדי נביאיך

4:22:6תזכורי ובמעשי חסידיך תתפארי׃ טהר חמס מגוך שקר

4:22:7ועול נכרתו ממך׃ יגילו בניך בקרבך וידידיך אליך נלוו׃

4:22:8כמה קוו לישועתך ויתאבלו עליך תמיך׃ לוא תובד תקותך

4:22:9ציון ולוא תשכח תוחלתך׃ מי זה אבד צדק או מי זה מלט

4:22:10בעולו׃ נבחן אדם כדרכו א⟦נ̣⟧יש כמעשיו ישתלם׃ סביב נכרתו

4:22:11צריך ציון ויתפזרו כול משנאיך׃ ערבה באף תשבחתך ציון

4:22:12מעלה לכול תבל׃ פעמים רבות אזכירך לברכה בכול לבבי אברכך׃

4:22:13צדק עולמים תשיגי וברכות נכבדים תקבלי׃ קחי חזון

4:22:14דובר עליך וחלמות נביאים תתבעך׃ רומי ורחבי ציון

4:22:15שבחי עליון פודך תשמח נפשי בכבודך׃

5:24:3יהוה קראתי אליכה הקשיבה אלי׃ פרשתי כפי

5:24:4למעון קודשכה׃ הט אוזנכה ותן לי את שאלתי ובקשתי

5:24:5אל תמנע ממני׃ בנה נפשי ואל תמגרה ואל תפרע לפני

5:24:6רשעים׃ גמולי הרע ישיב ממני דין האמת׃ יהוה

5:24:7אל תשפטני כחטאתי כי לוא יצדק לפניכה כול חי׃

5:24:8הבינני יהוה בתורתכה ואת משפטיכה למדני

5:24:9וישמעו רבים מעשיכה ועמים יהדרו את כבודכה׃

5:24:10זכורני ואל תשכחני ואל תביאני בקשות ממני׃

5:24:11חטאת נעורי הרחק ממני ופשעי אל יזכרו לי׃

5:24:12טהרני יהוה מנגע רע ואל יוסף לשוב אלי׃ יבש

5:24:13ש\ו/רשיו ממני ואל ינצו ע[ל]יו בי׃ כבוד אתה יהוה

5:24:14על כן שאלתי מלפניכה שלמה׃ למי אזעקה ויתן לי

5:24:15ובני אדם מה יוסיף אומ[צם] מ̣לפ̣[נ]יכה יהוה מבטחי׃

5:24:16קראתי יהוה ויענני [וירפא את] שבר לבי׃ נמתי

5:24:17[ואי]שנה חלמתי גם [הקיצותי׃ סמכתני יהוה הוכה לבי ואקרא יהו]ה׃

6:26:9גדול וקדוש יהוה קדוש קדושים לדור ודור׃ לפניו הדר

6:26:10ילך ואחריו המון מים רבים׃ חסד ואמת סביב פניו אמת

6:26:11ומשפט וצדק מכון כסאו׃ מבדיל אור מאפלה שחר הכין בדעת

6:26:12לבו׃ אזראו כול מלאכיו וירננו כי ⟦ה̣⟧הראם את אשר לוא ידעו

6:26:13מעטר הרים תנובות ⟦ו̣⟧אוכל טוב לכול חי׃ ברוך עושה

6:26:14ארץ בכוחו מכין תבל בחוכמתו׃ בתבונתו נטה שמים ויוצא

6:26:15[רוח] מאו[צרותיו׃ ברקים למט]ר̣ עשה ויעל נ̣שיא̣[ים מ]ק̣צ̣ה׃

7:27:2ויהי דויד בן ישי חכם ואור כאור השמש \ו/סופר

7:27:3ונבון ותמים בכול דרכיו לפני אל ואנשים׃ ויתן

7:27:4לו יהוה רוח נבונה ואורה׃ ויכתוב תהלים

7:27:5שלושת אלפים ושש מאות ושיר לשורר לפני המזבח על עולת

7:27:6התמיד לכול יום ויום לכול ימי השנה ארבעה וששים ושלוש

7:27:7מאות ולקורבן השבתות שנים וחמשים שיר ולקורבן ראשי

7:27:8החודשים ולכול ימי המועדות ולים הכפורים שלושים שיר׃

7:27:9ויהי כול השיר אשר דבר ששה ואבעים וארבע מאות ושיר

7:27:10לנגן על הפגו̣עים ארבעה׃ ויהי הכול ארבעת אלפים וחמשים׃

7:27:11כול אלה דבר בנבואה אשר נתן לו מלפני העליון׃

8:28:3הללויה לדויד בן ישי קטן הייתי מ\ן/אחי וצעיר מבני אבי וישימני

8:28:4רועה לצונו ומושל בגדיותיו׃ ידי עשו עוגב ואצבעותי כנור

8:28:5ואשימה ליהוה כבוד׃ אמרתי אני בנפשי ההרים לוא יעידו

8:28:6לו והגבעות לוא יגידו׃ עלו̣ העצים את דברי̣ והצואן את מעשי̣׃

8:28:7כי מי יגיד ומי ידבר ומי יספר את מעשי̣ אדון׃ הכול ראה ⟦ו̣⟧אלוה

8:28:8הכול הוא שמע והוא האזין׃ שלח נביאו למושחני את שמואל

8:28:9לגדלני׃ יצאו אחי לקראתו יפי התור ויפי המראה הגבהים בקומתם

8:28:10היפים בשערם לוא בחר יהוה אלוהים בם׃ וישלח ויקחני

8:28:11מאחר הצואן וימשחני בשמן הקודש׃ וישימני נגיד לעמו \ומושל/ בבני

8:28:12בריתו׃

8:28:13תחלת גב[ו]ר̣ה ל[דוי]ד משמשחו נביא אלוהים׃ אזי ר̣א̣[י]תי פלשתי

8:28:14מחרף ממ̣[ערכות הפלשתים …] אנוכי […] את […]׃