Перейти к содержанию

Ps · 119

Читается только онлайн. © Dead Sea Scrolls transcriptions and morphological tagging by Martin G. Abegg Jr., James E. Bowley and Edward M. Cook (the Dead Sea Scrolls Biblical Manuscripts and the Qumran non-biblical manuscripts; the transcriptions mainly follow the Discoveries in the Judaean Desert series, Oxford: Clarendon, 1955-), provided by M. Abegg to the CACCHT project and converted to Text-Fabric by Jarod Jacobs, Martijn Naaijer and Dirk Roorda: ETCBC/dss 2.0.2, https://github.com/ETCBC/dss (commit 34d2778), licensed CC BY-NC 4.0. Changes: text rebuilt sign by sign into plain text with the marks of this corpus; morphology, clause and phrase data omitted; units regrouped by verse or line.. Скачивание и печать недоступны.

Читается только онлайн. © Dead Sea Scrolls transcriptions and morphological tagging by Martin G. Abegg Jr., James E. Bowley and Edward M. Cook (the Dead Sea Scrolls Biblical Manuscripts and the Qumran non-biblical manuscripts; the transcriptions mainly follow the Discoveries in the Judaean Desert series, Oxford: Clarendon, 1955-), provided by M. Abegg to the CACCHT project and converted to Text-Fabric by Jarod Jacobs, Martijn Naaijer and Dirk Roorda: ETCBC/dss 2.0.2, https://github.com/ETCBC/dss (commit 34d2778), licensed CC BY-NC 4.0. Changes: text rebuilt sign by sign into plain text with the marks of this corpus; morphology, clause and phrase data omitted; units regrouped by verse or line.. Скачивание и печать недоступны.

Вид текста

Размер шрифта: 19px

Перейти к месту
То же место в другом издании

Опорное место: Ps.119.1

Сравнить рядом

Нажмите на номер или текст фрагмента, чтобы выбрать его.

אשרי תמי[מי דרך ה]ה̣ולכים בתורת יהוה׃
אשרי [נוצרי עדותו בכול] עת ידורשוה׃
אף ל[א פעלו עולה בדרכי]ו הלכו׃
את [צויתה פקודיכה לשמ]ור מואדה׃
אחל[י יכונו דרכי לשמור א]מתכה׃
אז ל[א אבוש בהביטי אל כ]ל מצוותיכה׃
בפקודיכה אשיחה ואביטה אורחותיכה׃
בחוקיכה אשתעשע לוא אשכח דבריכה׃
גמור על עבדכה ואחיה ואשמורה דבריכה׃
גל עיני ואביטה נפלאות מתורותיכה׃
גר אנוכי בארץ אל תסתר ממני מצוותיכה׃
גרשה נפשי לתאבה אל משפטיכה בכול עת׃
גערתה זדים ארורים השוגים ממצוותיכה׃
גול מעלי חרפה ובוז כי עדוותיכה נצרתי׃
גם ישבו שרים בי נדברו עבדכה ישיח בחוקיכה׃
גם עדוותיכה שעש̣וע̣י̣ אנשי עצתי׃
דבקה לעפר נפ̣[שי חיני כדברכה]׃
דרכי ספרתי ות̣[ענני למדני חוקיכ]ה׃
דרך פקוד\י/כה ה̣[בינני ואשיחה בנפ]לאותיכה׃
דלפה נפשי מ[תוגה קימני כדבר]כ̣ה׃
העבר עיני מראות שוא כדברכה חונני׃
הקם לעבדכה אמרתכה אשר ליראתכה׃
העבר חרפתי אשר יגרתי כי משפטיכה טובים׃
הנה תאבתי לפקודיכה בצדקתכה חונני׃
ויבואוני חסד יהוה תשועתכה כאמרתכה׃
ו\א/ענה חורפי דבר כי בטחתי בדברכה׃
ואל תצל מפי דבר אמת עד מואדה כי לדבריכה יחלתי׃
ואשמורה תורתכה תמיד ועד׃
ואתהלכה ברחוביה כי פקודיכה דרשתי׃
ואדברה בעדוותיכ̣ה̣ [נ]ג̣ד מלכים ולוא אבוש׃
ואשתעשעה במ[צוותיכה א]ש̣ר אהבתי׃
ואשא כפי אל מצוו[תיכה אש]ר אהבתי ואשישה בחוקיכה׃
זכורה דבריכה ל̣[עבדך על אשר] יחלתני׃
חשבתי דרכי ואשיבה רגלי אל עדוותיכה׃
חשתי ולוא התמהמהתי לשמור מצוותיכה׃
חבלי רשעים עודוני תורתכה לוא שכחתי׃
חצות לילה אקום להודות לכה על משפטי צדקכה׃
חבר אני לכול אשר יראוכה ולשומרי פקודיכה׃
חסדכה יהוה מלאה הארץ חוקכה למדני׃
טוב עשיתה עם עבדכה יהוה כדברכה׃
טוב טעם ודעת למדני כי במצוותיכה האמנתי׃
טרם אענה אני שוגג ועתה אמרתכה שמרתי׃
טוב אתה אדוני ומטיב למדני חוקיכה׃
טפלו עלי שקר זדים אני בכ̣ו̣ל ל[ב] אצורה פקודיכה׃
טפש כחלב לבם אני תורתכ[ה] ש̣ע̣[ש]ועי׃
טוב לי כי עניתני למען אלמ̣[ד חוק]יכה׃
טוב לי תורת פיכה מאלף̣ [זהב וכסף]׃
[ידיכה עשוני ויכוננוני הבינני ואלמדה מצותי]כ̣ה̣׃
כלתה עיני לאמרתכה לאמור מתי תנחמני׃
כי עשיתני כנאוד בקיטור חסדכה לוא שכחתי׃
כמה ימי עבדכה מתי תעשה ברודפי משפט׃
כרו לי זידים שחת אשר לוא כתורתכה׃
כול מצוותיכה אמונה שקר רדפוני עוזרני׃
כמעט כלוני מארץ ואני לוא עזבתי פקודיכה׃
כחסדכה חונני ואשמורה עדוות פיכה׃
לעולם יהוה דברכה נצב בשמים׃
לדור ודור אמונתכה כוננתה ארץ ותעמד׃
למשפטיכה עמדו היום כי הכול עבדי̣כה׃
לולי תורתכה שעשועי אז אבדתי בעווני׃
לעולם לוא אשכח פקודיכה כי במה חייתני׃
לכה אני הושיעני כי פקודיכה דרשתי׃
לי קוו רשעים לאבדני עדוותיכה אתבונן׃
לכול תכלה ראיתי קץ רחבה מצותכ[ה] מואדה׃
נר לרגלי דבריכה אור לנתיבותי׃
נשבעתי ואקימה לעשות משפט צדקכה׃
נעויתי עד מואדה יהוה כאמרתכה חונני׃
נדבות פי רצה יהוה ממשפטיכה למדני׃
נפשי בכפי תמיד תורתכה לוא שכחתי׃
נתנו רשעים פח לי אני פקודיכה לוא תעיתי׃
נחלתי עדוותיכה לעולם ⟦כי⟧ ששון לבי המה׃
נטיתי לבי לעשות חוקיכה לעולם עקב׃
סעפים שנאתי תורתכה אהבתי׃
סתרי ומגני אתה לדבריכה יחלתי׃
סורו ממני מרעים ואצורה מצות אלוהי׃
סמכני כאמרתכה ואחיה ואל תבישני ממשברי׃
סעדני ואושעה ואשא חוקיכה תמיד׃
סליתה כול שוגים מחוקיכה כי שקר תרמיתם׃
סיגים חשבתי כול רשעי ארץ על כן אהבתי כול עדוותיכה׃
סמר מפחד[כה] בשרי וממשפטיכה יראתי׃
על כן פקודי כול ישרתי כול אורח שקר שנאתי׃
פלגי נפת עדוותיכה על כן נצרתם נפשי׃
פתח דבריכה והאר מבין פותאים׃
פי פערתי ואשאפה למצוותיכה תאבתי׃
פנה אלי וחונני כמשפט לאוהבי שמכה׃
פעמי הכן לאמרתכה ואל תשלט בי כול און׃
פדני מעשק אדם ואשמורה פקודיכה׃
פניכה האר בעבדכה ולמדני את חוקיכה׃
פלגי מים ירדו עיני על כי לוא שמרו תורתכה׃
צדיק אתה יהוה וישרים משפטיכה׃
צויתה צדק עדוותיכה ואמונה מואדה׃
צמתתני קנאתי כי שכחו דבריכה צרי׃
צרופה אמרתכה מואדה ועב\ד/כה אהבה׃
צעיר אנוכי ונבזה פקודיכה לוא שכחתי׃
[צדק]ו̣ת [צ]דקות עולם ותורתך אמת׃
קרבו רודפי זמה מתורתכה רחקו׃
קרוב אתה יהוה וכול מצוותיכה אמת׃
קדם ידעתי מדעתכה כי לעולם יסדתני׃
ראה עוניי וחלצני תורתכה לוא שכחתי׃
ריב\ה/ ריבי וגאלני לאמרתכה חיני׃
רחוק מרשעים \ישועה/ כי חוקיכה לוא דרשו׃
רחמיכה רבים יהוה כמשפטיכה חונני׃
רבים רודפי וצרי מעדוותיכה לוא נטיתי׃
ראיתי בוגדים ואתקוטטה אשר אמרתכה לוא שמרו׃
ראה כי פקודיכה אהבתי יהוה כאמרתכה חונני׃
רו̣[אש] דבריכה אמת ולעולם כול משפט צדק׃
שרים רדפוני חנום ומדבריכה פחד לבי׃
שש א̣נ̣וכי על אמרתכה ממוצא שלל רב׃
שק̣[ר שנא]תי וא̣ת̣ע̣בה ותורתכה אהבתי׃
[שבע ביום אה]ללכה על [מ]ש̣פ̣ט̣י̣ [צדקכה]׃
תבענה שפתי תהלה לכה כי תלמדני חוקיכה׃
תענה לשוני אמרתכה כי כול מצוותיכה צדק׃
תהי ידכה לעוזרני כי פקודיכה בחרתי׃
תאבתי לישועתכה יהוה תורתכה שעשועי׃
תחי נפשי ותהללכה ⟦ומ⟧שפטיכה יעוזרני׃
תעיתי כשה אובד בקש עבדכה כי עדוותיכה לוא שכחתי׃

Источник и условия: Большой свиток Псалмов (11QPsᵃ, 11Q5): транскрипция (Абегг / ETCBC) · некоммерческое использование с указанием источника · Dead Sea Scrolls transcriptions and morphological tagging by Martin G. Abegg Jr., James E. Bowley and Edward M. Cook (the Dead Sea Scrolls Biblical Manuscripts and the Qumran non-biblical manuscripts; the transcriptions mainly follow the Discoveries in the Judaean Desert series, Oxford: Clarendon, 1955-), provided by M. Abegg to the CACCHT project and converted to Text-Fabric by Jarod Jacobs, Martijn Naaijer and Dirk Roorda: ETCBC/dss 2.0.2, https://github.com/ETCBC/dss (commit 34d2778), licensed CC BY-NC 4.0. Changes: text rebuilt sign by sign into plain text with the marks of this corpus; morphology, clause and phrase data omitted; units regrouped by verse or line. · условия · источник

Этот текст используется в Versemora для исследования и сравнения и не распространяется как литература, в том числе коммерчески. Источник и условия использования указаны ниже.

Закладки, заметки и место чтения хранятся только в этом браузере.